U scho wider si 364 Tag vergange u Gwattner hei versuächt z Murtä äs paar Franzose
abzknalle.

Gott sei dank hei mir bi däm schöne u rächt warme Wätter scho i dr 3 Ablösig chönne uf ä
warm Bode uf äm Bodämünzi ablige. Dr Tschäppu het mä nid wägärn Rägä sondern wäg dr
Sunne brucht u diä het scho vor äm Mittag rächt obänabe brätlet.

Wi au Jahr hei mir üs gnau uf üsi füf Gruppeschibll igrichtet u ds Ziu gnau avisiert Jedäs vo
üs het säch Müi gäh, aui 12 schuss uf dr Schibä zplaziere. Zum Teil hets ä so fescht gstobä.
dass mä 1 üsäre Gruppe het müässe ds Füür isteuä u warte bis d‘Schiessschartä wider isch
zum Vorschin cho.

Da mir früäch fertig si gsi, hei die wo si cho brätlä bim Galmizer-Chlikaliberstard ä
gmüätläche Brätli-,Jass-, Plagieri- und natürläch für d‘Jungmannschaft Spiu- u Choslinamitag
verbracht.

Bi dr Rangverkündigung het mä du nid schlächt gluägt, wo mä d' Schibläni het zgrugg
übercho. Leider het ä Eidgenoss usärä anderä Gruppe üs wöuä häufe u siner 12 schuss uf d‘
Schibe 2 vo Stefu u Ürsu gsetzt. Üs het das aber gat gar nid ghoufä, da de bi üsäm Total die
beschte Schüss abzoge wärde.
So hei mir für hür wenigschtens mau ä angeri Usred, wiso mir ohne Murtächranz hei
d'Heireis müässä aträte.
Mit äm 83. Rang vo 171 Gruppe u Total 193 gwärtäte Punkt si mir aber gar nid ä so schlächt
gsi wi oscho.

Ds Murtäfähnli isch hür mit 287 Punkt zu dä Fäuldschütze Walperswil gange u nächscht Jahr
am 27. Juni 2004 luäge mir de obs ids Gwatt chömi.

                                                                                                                Brülisauer Jolande

                                                                                                                                                                                                 Stand: 17.04.2017